ကျောင်းတွေ ပိတ်ထားတာများရင် ကလေးတွေ ပညာသင်ချင်စိတ်လျော့နည်းသွားမှာဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ်ဆို

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကျောင်းများပိတ်ထားတာများရင် ကလေးတွေအနေနဲ့ ပညာသင်ချင်စိတ်လျော့နည်းသွားမှာဖြစ်ကြောင်း မေလ (၁၉) ရက်နေ့က ကျောင်းများပြန်လည်ဖွင့်လှစ်ရန် အပြန်အလှန်ဆွေးနွေးရာမှာ ထည့်သွင်း ပြောကြားသွားခဲ့ပါတယ်။
လက်ရှိအချိန်မှာ အခြေခံပညာအထက်ကျောင်းများကို ဇူလိုင်လအစောပိုင်းတွင် ဖွင့်လှစ်ရန် ရည်မှန်းထားနေခဲ့တာပါ။ နိုင်ငံတစ်နိုင်ငံရဲ့ ပညာရေးဟာ ရပ်ထာလို့ မရကြောင်း ဒေါ်အောင်ဆန်းစုကြည်က ပြောကြားသွားခဲ့တာပါ။

Image may contain: 1 person, sitting

“နိုင်ငံတစ်နိုင်ငံရဲ့ပညာရေးဆိုတာ ရပ်ထားလို့မရဘူး။ ခလေးတွေဟာ ကျောင်းနဲ့ကင်းကွာသွားတဲ့အခါ ပညာသင်ချင်တဲ့စိတ်ကနည်းနည်းလျော့သွားတယ်။ ကျောင်းတွေပိတ်တာများရင် ပညာရေးဘက်ကို တကယ်အထိနာပါတယ်။ နောက်ကျမှ မြန်မြန်ဆန်ဆန်အောင်တဲ့သူတွေများအောင်လို့ဆိုပြီး ဖြတ်လမ်းနည်းနဲ့ သင်ပေးလိုက်တာကလည်း ဘွဲ့တော့ရသွားတာပေါ့။ ဘွဲ့ရရုံနဲ့ ပညာတတ်တာမှဘမဟုတ်ဘဲ။

Image may contain: 1 person, sitting and child

ကျွန်မတို့သိတဲ့ပညာရေးက ဘွဲ့ရရုံပညာရေးမျိုးမဟုတ်ဘူး။ တကယ်ကို ကိုယ့်အတွက်ရော၊ ကိုယ့်ပတ်ဝန်းကျင်အတွက်ရော၊ ကိုယ့်နိုင်ငံ ကိုယ့်ကမ္ဘာကြီးအတွက်ရော အကျိုးပြုနိုင်မယ့် ပညာရေးမျိုးကို နိုင်ငံကိုပေးချင်တာပါ။ အခု Covid ကိုရင်ဆိုင်တဲ့အခါမှာလည်း ပညာတစ်ခုပဲလို့ ကျွန်မကတော့ စဉ်းစားစေချင်တယ်”လို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောဆိုသွားခဲ့တာပါ။

Image may contain: 1 person, child, closeup and indoor

ဒါ့အပြင် ကလေးတွေကို ကျောင်း ကြို၊ ပို့ပြုလုပ်တဲ့အခါမျိုးမှာဆိုရင် အသက်အရွယ်ကြီးရင့်တဲ့ ဘိုးဘွားများအနေနဲ့ မပြုလုပ်ဖို့လည်း ဒေါ်အောင်ဆန်းစုကြည်က မှာကြားသွားခဲ့ပါတယ်။

မိုမိုလေး

Myanmar News