ထိုင်းမှ နေရပ်ပြန် မြန်မာအလုပ်သမား တနေ့တည်း ၅၀၀၀ ကျော် ဝင်ရောက်

မြဝတီနယ်စပ် ထိုင်း- မြန်မာ အမှတ် ၂ ချစ်ကြည်ရေးတံတားကနေ မတ်၂၆ ရက်က နေရပ်ပြန် မြန်မာရွှေ့ပြောင်းလုပ်သား အမျိုးသား ၃၄၄၁ ဦးနဲ့ အမျိုးသမီး ၁၅၇၁ စုစုပေါင်း ၅၀၁၂ ဦး ရှိတယ်လို့ သိရပါတယ်။

ထိုင်းနိုင်ငံအတွင်း COVID-19 အသက်ရှူလမ်းကြောင်း ကူးစက်ရောဂါ ကာကွယ်ရေး အစီအမံများအရ မတ်လ ၂၆ ရက်က စတင်ပြီး ခရိုင်၊ မြို့နယ်၊ ကျေးလက်ဒေသများအထိ ကူးသန်းသွားလာ တာနဲ့ နေအိမ်ပြင်ပ ထွက်တာတွေကို အချိန်အကန့်အသတ်နဲ့ သွားလာကြဖို့ အရေးပေါ် အခြေအနေ ထုတ်ပြန်လိုက်တာပါ။

ထုတ်ပြန်ချက် ချိုးဖောက်ပါက ထောင်ဒဏ်နဲ့ ငွေဒဏ်တွေ ချမှတ်အရေးယူသွားမယ်လို့ ဆိုပါတယ်။

မြန်မာရွှေ့ပြောင်းလုပ်သားတွေအတွက် COVID-19 ရောဂါ ထိန်းချုပ်ကာကွယ်ရေး ကာလအတွင်း ဗီဇာ သက်တမ်း ၃ လ နေထိုင်ခွင့်ပြုတာ၊ လုပ်ခလစာတွေအတွက် အလုပ်သမား အခွင့်အရေးဆိုင်ရာ ထောက်ပံ့ငွေတွေ၊ နစ်နာကြေးနဲ့ လျော်ကြေးငွေတွေကို အလုပ်ရှင်တွေက ထောက်ပံ့ပေးအပ်ဖို့ ထုတ်ပြန်ကြေညာထားပါတယ်။

ဒီဗွီဘီ

Myanmar News