Category: ပြည်တွင်းသတင်း

မော်လမြိုင်တွင်ရှေ့နေအမျိုးသမီးတစ်ဦးအား တရားရုံးထဲထိဝင်၍ဝက်အူလှည့်ဖြင့်ထိုးမှုဖြစ်ပွား

မော်လမြိုင်တွင် ယနေ့ ဩဂုတ်လ ၁၃ ရက် ညနေ ၄ နာရီအချိန်ခန့်တွင် တရားရုံးဝင်းထဲထိဝင်လာပြီး ရှေ့နေအမျိုးသမီးတစ်ဦးအားဝက်အူလှည့်ဖြင့်ဝင်ရောက်ထိုးမှုဖြစ်ပွားခဲ့ကြောင်း မွန်ပြည်နယ်လူမှုကယ် ဆယ်ရေးအဖွဲ့ထံမှသိရသည်။ အထိုးခံရသူရှေ့နေအမျိုးသမီးမှာ ဝမ်းဗိုက်ထိုးသွင်းဒဏ်ရာ၊ညာလက်မောင်းထိုးသွင်းဒဏ်ရာ၊ဘယ်လက်မောင်း လက်ကောက်ဝတ် ပြတ်ရှဒဏ်ရာများရရှိခဲ့သဖြင့် မော်လမြိုင် RESCUE လူမှုကယ်ဆယ်ရေးအဖွဲ့မှ ကနဦး အနေဖြင့် လိုအပ်သည်များ ပြုစုဆောင်ရွက်ပေးကာဆေးရုံကြီးသို့ ပို့ဆောင် ကူညီပေးခဲ့ကြောင်း သိရသည်။ ကနဦးသတင်းများအရ တရားခံမှာ ဝက်အူလှည့်ဖြင့်ထိုးပြီးသည်နှင့်ထွက်ပြေးသွားကြောင်း သိရသည်။ ပြည်မြန်မာ

ကျူတာလုပ်ရန် ရည်မှန်းထားသည့် မြန်မာစာဂုဏ်ထူးရှင် မောင်ခေတ်မင်းသန့်

ခန္ဓာကိုယ်သာမန်ထက်​ကြီးထွားမှုနှုန်း နှေးကွေးနေတဲ့ ပုသိမ်မြို့က မြန်မာစာဂုဏ်ထူးရှင် မောင်ခေတ်မင်းသန့်ဟာ ပုသိမ်တက္ကသိုလ်မှာ English မေဂျာတက်ရောက်ပြီး ကျူတာလုပ်သွားဖို့ ရည်မှန်းထားတယ်လို့ ပြောပါတယ်။ အသက် ၁၇ နှစ်အရွယ် မောင်ခေတ်မင်းသန့်ဟာ ၂၀၁၉-၂၀ တက္ကသိုလ်ဝင်တန်းစာမေးပွဲကို ပုသိမ်မြို့ အ.ထ.က ( ၂ ) စာစစ်ဌာနကနေ ဝင်ရောက်ဖြေဆိုခဲ့ပြီး မြန်မာစာဂုဏ်ထူးနဲ့ အောင်မြင်ခဲ့တာပါ။ သားဖြစ်သူကို ငယ်စဉ်ကတည်းက ပညာတတ်ကြီးဖြစ်အောင်ကြိုးစားဖို့နဲ့ အဓိကစိတ်ဓာတ်ခွန်အားတွေ အမြဲပေးလေ့ရှိပြီး မိခင်ကိုယ်တိုင် စိတ်ဓာတ်ခိုင်မာမှ သားသမီးကလည်း အားမငယ်မှာလို့ ခံယူထားတယ်လို့ မိခင်ဖြစ်သူ ဒေါ်နှင်းနှင်းအေးက ပြောပါတယ်။ ဖခင်ဖြစ်သူ ဦးထွန်းအောင်ကျော်ကတော့ သာမာန်လူတွေနဲ့မတူပေမဲ့ ညဏ်ထက်မြတ်တဲ့သားလေးကို စာပေလိုက်စားဖို့ အမြဲသွန်သင်လေ့ရှိပြီး တစ်ဦးထဲသော သားလေးမို့ အနာဂတ်မှာ သူကျော်ဖြတ်ရမယ့်ကာလတွေအတွက်စိတ်ပူမိတယ်လို့ ပြောပါတယ်။ သူ့ရဲ့သားဖြစ်သူဟာ ခန္ဓာကိုယ် သေးငယ်နေနပေမဲ့ စိတ်ဓာတ်မကျသူ တစ်ယောက်ဖြစ်ပြီး သူ့ရဲ့ အနာဂတ်အတွက် ပန်းတိုင်ကိုအရောက်လှမ်းမဲ့သူ တစ်ဦးဖြစ်တယ်လို့ ဆိုပါတယ်။...

ပျောက်ဆုံး ပန်းပုဆင်စွယ် ဒီကေဘီအေတပ်ဖွဲ့က ဖမ်းဆီးရမိပြီး ထိုင်းရဲကို ပြန်အပ်

ထိုင်းနိုင်ငံ၊ တာခ်ရိုင်၊ အုန်းဖန်မြို့၊ မဲ့ကျမ်းတိုက်နယ် လေးတော်ခို့ကျေးရွာမှာ ပျောက်ဆုံးသွားတဲ့ ပန်းပုအလှဆင်စွယ်ကို ဒီကေဘီအေတပ်ဖွဲ့က ဖမ်းဆီးရမိပြီး ထိုင်းရဲကို သြဂုတ် ၁၂ ရက်မှာ ပြန်အပ်လိုက်ပါတယ်။ လေးတော်ခို့ကျေးရွာမှာ တန်ဖိုးထားကိုးကွယ်ထားတဲ့ ဆင်စွယ်ကို သြဂုတ်လဆန်းပိုင်းက လူ ၂ ဦးရောက်ရှိလာပြီး အစောင့်ကို ဓားနဲ့ထောက်ကာ ဆိုင်ကယ်နဲ့ ယူသွားကြတာ ဖြစ်ပါတယ်။ ဒီနောက် လေးတော်ခို့ရွာသားတွေနဲ့ ရပ်ရွာသူကြီးတို့က အုန်းဖန်မြို့မရဲခန်းမှာ ပန်းပုဆင်စွယ်ပျောက်ဆုံးကြောင်း အမှုဖွင့်တိုင်ကြားထားလိုက်ပြီးနောက် မြန်မာ-ထိုင်းနယ်စပ် လက်နက်ကိုင်အဖွဲ့အစည်းတွေထံ သတင်းပို့ပြီး သြဂုတ် ၁၂ ရက်နေ့မှာ ပန်းပုဆင်စွယ် ခိုးသူ ၂ ဦးကို ဒီကေဘီအေတပ်ဖွဲ့က ဖမ်းဆီးရမိခဲ့တာပါ။ ပန်းပုဆင်စွယ်ကို ဒီကေဘီအေဗျူဟာမှူး စောရွှေဝက ဦးစီးပြီး ထိုင်းရဲကို ပြန်လည်အပ်နှံခဲ့ကာ ခိုးသူနှစ်ဦးကိုတော့ ဒီကေဘီအေတပ်ဖွဲ့က အရေးယူထားပါတယ်။ မြန်မာ-ထိုင်းနယ်စပ်မှာ ၂၀၀၅ ခုနှစ်တုန်းကလည်း ပန်းပုဆင်စွယ် ခိုးယူခံခဲ့ရဖူးပြီး ခုတစ်ကြိမ်ပါဆိုရင် ခိုးယူခံရတာ...

၂၀၂၀ NLD အောင်နိုင်ရေးသီချင်းကို အနုပညာရှင်များစွာ ပါဝင်သီဆိုမည်

မကြာခင်လပိုင်းမှာ ပြုလုပ်တော့မယ့်၂၀၂၀ ခုနှစ် အထွေထွေရွေးကောက်ပွဲမှာ ဝင်ရောက် ယှဉ်ပြိုင်ကြမယ့် ပါတီပေါင်းစုံရှိတဲ့အနက် အမျိုးသားဒီမိုကရေစီ အဖွဲ့ချုပ်အတွက် ၂၀၂၀ အောင်နိုင်ရေးသီချင်းကိုတော့ အနုပညာရှင် ၃၅ ယောက်ထက် မနည်း သီဆိုပေးသွားမယ်လို့ သိရပါတယ်။ “၂၀၁၅ ခုနှစ်၊ NLD အောင်နိုင်ရေး သီချင်း “ခွပ်ဒေါင်းမာန်ချီ NLD” ကိုရေးခဲ့တဲ့ တေးရေး သံသာဝင်းကပဲ ကျမတို့အတွက် “၂၀၂၀ ခွပ်ဒေါင်းမာန်ချီ ” သီချင်းကို မေတ္တာဖြင့် ရေးပေးမှာပါ” လို့ ဒါရိုက်တာကြည်ဖြူသျှင်က ပြောပါတယ်။ အဆိုပါ ပါတီ အောင်နိုင်ရေးသီချင်းကိုတော့ အဆိုတော် သံသာဝင်းက ရေးသားထားတာဖြစ်ပြီး ယခုနှစ်အတွက်လည်း အဆိုပါ သီချင်းကိုပဲ သီဆိုသွားကြမှာဖြစ်ပါတယ်။ “အဆိုတော်တွေကို ချိတ်ဆက်ပေးတဲ့ အနဂ္ဂ၊ သံသာဝင်း၊ သျှီ၊ မမီမီဝင်းဖေ ယနေ့ တွေ့ဆုံဖြစ်တဲ့ ကိုရင်ဂို၊ မကော်နီ၊ လင်းနစ်၊ သားကြီး၊ ဆိုင်စံနဲ့...

နိုင်ငံတော်အတိုင်ပင်ခံပုဂ္ဂိုလ်နှင့် RCSS ဥက္ကဋ္ဌ ဗိုလ်ချုပ်ကြီး ယွက်ဆစ်တို့ သီးသန့်တွေ့ဆုံ

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ရှမ်းပြည်ပြန်လည်ထူထောင်ရေးကောင်စီ (RCSS/SSA) ဥက္ကဋ္ဌ ဗိုလ်ချုပ်ကြီး ယွက်ဆစ်တို့ ဩဂုတ်လ ၁၂ ရက် မွန်းလွဲပိုင်းက နေပြည်တော်မှာ သီးသန့်တွေ့ဆုံခဲ့ပါတယ်။ ဒေါ်အောင်ဆန်းစုကြည်အနေနဲ့ ဗိုလ်ချုပ်ကြီး ယွက်ဆစ်ကို နေပြည်တော်ရှိ နေအိမ်မှာ လက်ခံတွေ့ဆုံခဲ့တာဖြစ်ပြီး ငြိမ်းချမ်းရေးနဲ့ ဒေသဖွံ့ဖြိုးရေးကိစ္စတွေနဲ့ ဆွေးနွေးခဲ့တယ်လို့ အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောပါတယ်။ “ရောက်တုန်းရောက်ခိုက်ပေါ့နော် အတိုင်ပင်ခံပုဂ္ဂိုလ်နဲ့တွေ့ဖို့ အဆိုပြုတယ်။ အဲ့ဒါကို ဒီနေ့ချိန်းပြီးတွေ့တာဖြစ်တယ်။ အဓိကအားဖြင့်ဆွေးနွေးတာကတော့ ဒေသဖွံ့ဖြိုးရေးပေါ့နော်၊ နောက်ငြိမ်းချမ်းရေး ဒီကိစ္စတွေပါပဲ အဓိကကတော့။ အဲ့ဒါကတော့လူကြီးတွေ ပုံမှန်အစည်းအဝေး ခန်းထဲတွေ့တာထက်စာရင် အလွတ်ပေါ့နော်၊ လွတ်လွတ်လပ်လပ်ပေါ့ပေါ့ပါးပါးတွေ့တယ်။ နှစ်ယောက်ပိုပြီးတော့လည်း နားလည်မှုတည်ဆောက်နိုင်မယ်။ ယုံကြည်မှုလည်း ပိုခိုင်မာလာမယ်ပေါ့။ အထူးသဖြင့်က အဲ့ဒီကိစ္စတွေပဲ ပြောကြတာပါ။” ဗိုလ်ချုပ်ကြီး ယွက်ဆစ်အနေနဲ့ ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံ မကျင်းပခင် ဩဂုတ် ၁၃ ရက်နေ့မှာ ပြုလုပ်မယ့် JICM အစည်းအဝေးနဲ့ ဩဂုတ်...

ဒဂုံဆိပ်ကမ်းမှ“နိုင်ငံ့ဝန်ထမ်း အငှားအိမ်ရာစီမံကိန်း”ပထမအဆင့်ပြီးစီး

ရန်ကုန်တိုင်းဒေသကြီးဒဂုံမြို့သစ်(ဆိပ်ကမ်း)မြို့နယ်၊ (၇၃) ရပ်ကွက်၊ မြနန္ဒာလမ်းရှိ “နိုင်ငံ့ဝန်ထမ်း အငှားအိမ်ရာစီမံကိန်း” ပထမအဆင့်၊ (၈) ခန်းတွဲ (၅) ထပ် တိုက် (၈) လုံးပြီးစီးပြီဖြစ်ကြောင်းသိရသည်။ စီမံကိန်း ဒုတိယအဆင့် အနေဖြင့် (၈)ခန်းတွဲ (၅) ထပ်တိုက် (၆)လုံးကို ၂၀၂၀ ပြည့်နှစ်၊ နိုဝင်ဘာလ နောက်ဆုံးထား တည်ဆောက်ပြီးစီးရန်လျာတားထားကြောင်းသိရသည်။ ယင်းကို ရန်ကုန်တိုင်းဒေသကြီး အစိုးရအဖွဲ့၏ လမ်းညွှန်မှု မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ရန်ကုန်တိုင်းဒေသကြီး ညွှန်ကြားရေးမှူးရုံး၏ အနီးကပ် စီမံကြီးကြပ်မှုတို့ဖြင့်Yangon Metropolitan Development Public Co., က Main Contractor အဖြစ် ဆောင်ရွက်ခဲ့ခြင်းဖြစ်ကြောင်းသိရသည်။ အဆိုပါ နိုင်ငံ့ဝန်ထမ်းအငှား အိမ်ရာ စီမံကိန်းတွင် (၈)ခန်းတွဲ (၅) ထပ် တိုက် (၁၄)လုံး၊ လူနေအိမ်ခန်း (၄၄၈)ခန်းနှင့် Shop House (၂၈) ခန်း စုစုပေါင်း...

ဆယ်တန်းအောင်မြင်သည့် ညီဖြစ်သူအား အဝေရာဆည်သို့ လိုက်ပို့ရာမှ ဆည်အတွင်းပြုတ်ကျကာ ညီအကိုနှစ်ယောက်သေဆုံး

၂၀၁၉- ၂၀၂၀ တက္ကသိုလ်ဝင်တန်းစာမေးပွဲအောင်မြင်သည့် ညီဖြစ်သူအား ပျဉ်းမနားမြို့နယ်အတွင်းရှိ အဝေရာဆည်သို့ အလည်လိုက်ပို့စဉ် ညီဖြစ်သူကဆည်အနီးရှိ ကျောက်တုံးပေါ်တက်၍ ဖုန်းဖြင့် ဆဲ ဖီလ် ရိုက်ရာ ခြေချော်၍ ဆည်အတွင်းပြုတ်ကျခဲ့သောကြောင့် အကိုဖြစ်သူက ကယ်ဆယ်ရာ ညီအ ကိုနှစ်ဦးလုံး ရေနစ်သေဆုံး ခဲ့ကြောင်း ပျဉ်းမနားမြို့ ထေရ၀ါဒဓမ္မပြန့်ပွားရေးနှင့် နာရေးကူညီမှု အကျိုး ဆောင် လူငယ်အဖွဲ့မှ ကိုရဲမင်းနိုင်က ပြည်မြန်မာသို့ ပြောသည်။ သေဆုံးသူ အသက် ၂၅ နှစ်အရွယ် မောင်မင်းခိုင်ထွန်းနှင့် အသက် ၁၈နှစ်အရွယ် မောင်ဖိုးလပြည့်တို့ ညီအကိုနှစ်ဦးမှာ သြဂုတ်လ ၁၀ ရက် မွန်းတည့်ချိန်က အဝေရာဆည်သို့ ရောက်ရှိလာကာ ဆည်အ တွင်း ရေနစ်သေဆုံးခြင်းဖြစ်သည်။သြဂုတ်လ ၁၁ ရက် ၁၂ နာရီအချိန်ခန့်တွင် အကိုဖြစ်သူအား ဆည်အတွင်း သေဆုံးလျက် ပြန်လည် တွေ့ရှိပြီးနောက် ညီဖြစ်သူကို ညနေ ၃...

ကိုယ်ဝန်ဆောင်မိခင်များအား ငွေကျပ် ၃၀၀၀၀ ထောက်ပံ့ခြင်းကို စက်တင်ဘာ ၂၀ ရက်နောက်ပိုင်းတွင် စတင်မည်

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန လူမှုဝန်ထမ်းဦးစီးဌာနအနေဖြင့် ကိုဗစ်-၁၉ စီးပွားရေးကုစားမှုအစီအစဉ်အရ ယခင် MCCT အစီအစဉ်ဆောင်ရွက်လျက်ရှိသော ဒေသများ တွင်ပါဝင်ခြင်းမရှိသည့် ပြည်နယ်နှင့် တိုင်းဒေသကြီး ကိုးခုရှိ ကိုယ်ဝန်ဆောင်မိခင်များအား ငွေကြေး ထောက်ပံ့မှု အစီအစဉ်ကို စက်တင်ဘာလ ၂၀ ရက်နောက်ပိုင်းတွင် စတင်မည်ဖြစ်ကြောင်းသိရသည်။ ကိုဗစ်-၁၉ ကာလအတွင်း နိုင်ငံတစ်ဝန်းရှိ ကိုယ်ဝန်ဆောင်မိခင် များအား “ငွေဗိုက်” Application အသုံး ပြု၍ ဩဂုတ်လ ၁၁ ရက်မှ စက်တင်ဘာလ ၁၅ ရက်အထိ ကိုယ်ဝန်ဆောင်ကိုယ်တိုင်ဖြစ်စေ (သို့မဟုတ်) ကိုယ်စားလှယ်ဖြင့်ဖြစ်စေ စာရင်းသွင်းနိုင်ပြီး ထောက်ပံ့ကြေး ငွေကျပ် ၃၀ဝ၀ဝ တစ်ကြိမ် ထောက်ပံ့ခြင်း ကို ဧရာဝတီဘဏ်၊ က‌မ္ဘောဇဘဏ်၊ Wave Money၊ အသေးစား ငွေရေးကြေးရေးအဖွဲ့အစည်းများ၊မိတ် ဖက်အဖွဲ့ အစည်းများနှင့်ပူးပေါင်း၍ ဆောင်ရွက်ပေးမည် ဖြစ်ကြောင်း လူမှုဝန်ထမ်းဦးစီးဌာန ညွှန်ကြားရေး မှူးဦးကျော်လင်းထင်ကပြောသည်။...

မန္တလေးထောင်တွင် ဆယ်တန်းစာမေးပွဲဖြေဆိုခဲ့သည့် ကျောင်းသား ၁ ဦး ၃ ဘာသာဂုဏ်ထူးထွက်

တက္ကသိုလ်ဝင်တန်း စာမေးပွဲကို အကျဉ်းထောင်ထဲက ဖြေဆိုသွားတဲ့ ကျောင်းသားတယောက်ဟာ မန္တလေးတိုင်းထဲမှာ ဝိဇ္ဇာဘာသာတွဲ အမှတ်အများဆုံး ၁၀ ယောက်စာရင်းဝင်ပြီး ၃ ဘာသာ ဂုဏ်ထူးလည်း ထွက်ခဲ့ပါတယ်။ မန္တလေး ဗဟိုအကျဉ်းထောင် (အိုးဘိုထောင်) စာစစ်ဌာနမှာ ခုံအမှတ် မနမ-၅၆၉၅ နဲ့ ဖြေဆိုခဲ့တဲ့ ကျောင်းသားဟာ စာမေးပွဲ ဖြေပြီးနောက် ဧပြီ ၁၇ ရက်မှာ နိုင်ငံတော် လွတ်ငြိမ်းချမ်းသာခွင့်နဲ့ လွတ်မြောက်သွားခဲ့ပါတယ်။ သူဟာ ပထဝီ၊ သမိုင်း၊ ဘောဂဗေဒ ဘာသာတို့ဂုဏ်ထူးထွက်ခဲ့သလို မန္တလေးတိုင်းရဲ့ ဝိဇ္ဇာတွဲအမှတ်အများဆုံးစာရင်းမှာ အမှတ်ပေါင်း ၄၆၂ မှတ်နဲ့ အဆင့် ၇ ရခဲ့တယ်လို့ ပြည်ထဲရေးဝန်ကြီးဌာနက ဆိုပါတယ်။ တနိုင်ငံလုံးက အကျဉ်းထောင်တွေကနေ တက္ကသိုလ်ဝင်စာမေးပွဲဖြေဆိုသူတွေထဲမှာ ၄ ဘာသာနဲ့ ၃ ဘာသာ ဂုဏ်ထူးရှင် ၁၄ ယောက်အပါအဝင် ဂုဏ်ထူးရသူ ၇၈ ယောက်ရှိပြီး စုစုပေါင်းအောင်မြင်သူ...

မြန်မာနေရှင်နယ်လိဂ်ဘောလုံးပွဲကို စောင့်ကြည့်ရေးအဖွဲ့နှင့်အတူ လာရောက်အားပေးမည်ဟု အတိုင်ပင်ခံပုဂ္ဂိုလ်ပြော

မြန်မာနေရှင်နယ်လိဂ်ဘောလုံးပြိုင်ပွဲ ပြန်လည်စတင်တဲ့အချိန်မှာ ဝန်ကြီးဌာနက ဖွဲ့စည်းထားတဲ့ ပြိုင်ပွဲအပေါ်စောင့်ကြည့်ရေးအဖွဲ့နဲ့အတူ လာရောက်အားပေးမယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။ ဘောလုံးပွဲစဉ်တွေပြန်လည်စတင်နိုင်ရေးအတွက် ကျန်းမားရေးနဲ့ အားကစားဝန်ကြီးဌာန အမြဲတမ်းအတွင်းဝန် ဒေါက်တာသက်ခိုင်ဝင်း၊ မြန်မာဘောလုံးအဖွဲ့ချုပ်ဥက္ကဋ္ဌ ဦးဇော်ဇော် ၊ လက်ရွေးစင်ဂိုးသမား သီဟစည်သူတို့နဲ့ Video Conferencing ပြုလုပ်ရာမှာ ဒေါ်အောင်ဆန်းစုကြည်က ပြောသွားတာပါ။ မြန်မာနေရှင်နယ်လိဂ်ပွဲစဉ်တွေကို ပရိသတ်တွေမပါဘဲ ကွင်းပိတ်ကျင်းပမှာဖြစ်ပြီး ကစားသမားတွေအတွက် လက်ခုပ်တီးအားပေးမယ့်သူ လိုတယ်လို့လည်း ဒေါ်အောင်ဆန်းစုကြည်က ပြောပါတယ်။ မြန်မာနေရှင်နယ်လိဂ်ကလပ်၁ဝသင်းဟာ သြဂုတ် ၉ ရက်ကစပြီး သီးသန့်နေထိုင်ကာ စခန်းဝင် လေ့ကျင့်နေပြီး သြဂုတ်၂၂ ရက်မှာ လိဂ်ပြိုင်ပွဲတွေ ပြန်လည်ကျင်းပဖို့ရှိပါတယ်။ ကစားသမား၊ နည်းပြနဲ့ ဒိုင်လူကြီးတွေအပါအဝင် စုစုပေါင်း လူ ၃၀၀ ကျော်ကို ကိုဗစ်-၁၉ ရောဂါ ရှိမရှိ စစ်ဆေးခဲ့ရာမှာလည်း ပိုးမတွေ့ရှိဘူးလို့ အမြဲတမ်းအတွင်းဝန် ဒေါက်တာသက်ခိုင်ဝင်းက ပြောပါတယ်။ မြန်မာနေရှင်နယ်လိဂ်ပြိုင်ပွဲကို...